Nimin khan Education Minister Pu Lalsawtan a Department chan office hrang hrang a tlawh kual nithumnaah St.Pauls HSS School in an naupang HSLC leh HSSLC exam a tithate chawimawina inkhawm an buatsaih a hmanpui bakah School Education Department in Major Programme Review Meeting nihnih awh an buatsaih kharna hun a hmanpui.
St.Pauls HSS School in zirlai naupang tithate chawimawina an hmannaah hian Most Rev.Stephen Rotluanga, CSC, Bishop of Aizawl in hunserh a hmang a. Khuallian Pu Lalsawta chuan thu sawiin kumtina St.Pauls High School in titha ber nihna an hauh zawn thei chu zirtirtute inpekna rah a ni tiin an fakawm tak zet a ni a ti a. An Hall chhunga India hnam Flag leh St.Pauls Higher Secondary School flag an lo tar chuan India ram ropui tak an chawimawi a ni tiin thil chhinchhiah tlak tak a ni a ti. Zirlai naupangte hnenah an hmingthatna chhawm nung zel tur leh tumruhna thinlung nei tlat turin a fuih bawk.
He hunah hian khualzahawm Col.Z.S.Zuala, MLA pawhin thutawite sawiin zirlai naupang ram pawna zir chhunzawm tumte tan harsatna hmachhawn tur tam tak in tawk dawn a; chuvangin nun uluk ula tun atangin mahni invawnna, taihmakna leh tawrhchhelna nen in in buatsaih a ngai a ni a ti.
Hetiang chawimawina inkhawm hi St.Paul a lo zirchhuak tawh Alumini Association ten kum 9 kalta atang a an lo huaihawt thin a ni a, an aiawhin Pi Lalnipuii’n thu a sawi a, Pu Lallungmuana’n lawmthu a sawi bawk. Zirlai naupang tithate hnenah hian khuallianin chawimawina Certificate a hlan hlawm a ni.
Pu Lalsawta hian School Education Directorate Conference Hall-ah School Education department hmalakna tura ruahman liantham zirchianna Mizoram chhunga an officer zawng zawngte in kokhawma nihnih awh an buatsaih kharna hun a hmanpui nghal a. He kharna inkhawm hi School Education Director Pi Malsawmthangi’n a kaihruai a, Minister chuan Mizoram a Department lian ber zirtirtu pawh singhnih chuang zet awmnaah chuan titha leh fakawm tamtak awm bawk mahse titha duhlo tlemte pawhin department hming a tichhe thei a. Amaherawh chu Department tawp bera min sawi tawk awm bawk mahse a tawp ber lo a ni a ti.
Pu Sawta chuan officer te hnenah Education Department hi a ruhrel, a ruangam leh inrelbawlna nen Education Reform Commission hmangin siamthat kan tum a. Mithiam leh hlawhsang tak tak thawhna zawk nisi miin Private School ah min tlansan mek a; hetiang hi hmanah Kerela ah khuan a thleng tawh. A chhiatna hmu reng siin keinin kan maimit chhinsan mai dawn em ni a ti a. A siamthatna kawng hi chho deuh mahse nangni ho nen inlungrualin kan tangho ang a kan siamtha ang a ti. Thiltha tih dawn chuan dodaltu pawh an awm ang mahse kan Chief Minister in kan chianga huaisen takin kan kal ang a ti.Tunah chuan mahni fate mahni skul a kaltir ngamlo ram kan ni ta. Zirtirtuten an ropuina leh zahawmna thin an hloh tawh a; an zahawmnate an neih leh theih nan thuneihna sang zawk pein bul kan tan ang a ti.
Parliamentary Secretary Pu Chawngtinthanga, MLA pawhin thu sawiin India rampuma zirna standard a san chhoh mek laia Mizoram a a hniam zawnga kan kal hi siamthat vat a ngai a ni a ti. Education Secretary Pu K.Riachho IAS pawhin thu sawiin department dang zawng zawngte hi pawimawh bawk mahse Education erawh hi chu engkima kan innghahna a nih avangin a pawimawh leh zual a, chuvangin a enkawltu officer leh thawktute hi inthlahdah thei kan nilo a ni a ti.
He hunah hian khualzahawm Col.Z.S.Zuala, MLA pawhin thutawite sawiin zirlai naupang ram pawna zir chhunzawm tumte tan harsatna hmachhawn tur tam tak in tawk dawn a; chuvangin nun uluk ula tun atangin mahni invawnna, taihmakna leh tawrhchhelna nen in in buatsaih a ngai a ni a ti.
Hetiang chawimawina inkhawm hi St.Paul a lo zirchhuak tawh Alumini Association ten kum 9 kalta atang a an lo huaihawt thin a ni a, an aiawhin Pi Lalnipuii’n thu a sawi a, Pu Lallungmuana’n lawmthu a sawi bawk. Zirlai naupang tithate hnenah hian khuallianin chawimawina Certificate a hlan hlawm a ni.
Pu Lalsawta hian School Education Directorate Conference Hall-ah School Education department hmalakna tura ruahman liantham zirchianna Mizoram chhunga an officer zawng zawngte in kokhawma nihnih awh an buatsaih kharna hun a hmanpui nghal a. He kharna inkhawm hi School Education Director Pi Malsawmthangi’n a kaihruai a, Minister chuan Mizoram a Department lian ber zirtirtu pawh singhnih chuang zet awmnaah chuan titha leh fakawm tamtak awm bawk mahse titha duhlo tlemte pawhin department hming a tichhe thei a. Amaherawh chu Department tawp bera min sawi tawk awm bawk mahse a tawp ber lo a ni a ti.
Pu Sawta chuan officer te hnenah Education Department hi a ruhrel, a ruangam leh inrelbawlna nen Education Reform Commission hmangin siamthat kan tum a. Mithiam leh hlawhsang tak tak thawhna zawk nisi miin Private School ah min tlansan mek a; hetiang hi hmanah Kerela ah khuan a thleng tawh. A chhiatna hmu reng siin keinin kan maimit chhinsan mai dawn em ni a ti a. A siamthatna kawng hi chho deuh mahse nangni ho nen inlungrualin kan tangho ang a kan siamtha ang a ti. Thiltha tih dawn chuan dodaltu pawh an awm ang mahse kan Chief Minister in kan chianga huaisen takin kan kal ang a ti.Tunah chuan mahni fate mahni skul a kaltir ngamlo ram kan ni ta. Zirtirtuten an ropuina leh zahawmna thin an hloh tawh a; an zahawmnate an neih leh theih nan thuneihna sang zawk pein bul kan tan ang a ti.
Parliamentary Secretary Pu Chawngtinthanga, MLA pawhin thu sawiin India rampuma zirna standard a san chhoh mek laia Mizoram a a hniam zawnga kan kal hi siamthat vat a ngai a ni a ti. Education Secretary Pu K.Riachho IAS pawhin thu sawiin department dang zawng zawngte hi pawimawh bawk mahse Education erawh hi chu engkima kan innghahna a nih avangin a pawimawh leh zual a, chuvangin a enkawltu officer leh thawktute hi inthlahdah thei kan nilo a ni a ti.
Attachment
- Loading attachment...
