Chief Minister Pu Lal Thanhawla hovin vawiin chawhnu dar 1:30 khan Cabinet Room ah hmeichhe dinhmun chawikanna tur leh hmasawnna tur ngaihtuahin Mizoram State Mission Authority on Women Empowerment an thukhawm a, hmalak chhoh dan tur te an rel.

Meeting ah chuan District Convergence cum Facilitation Centre (Poorna Shakti Kendra) atan Champhai District rawt a nih thu tarlan a ni a, kutthlak leh pawngsual tawk hmeichhia te enkawl nan Aizawl Civil Hospital ah One Stop Crisis Centre for Women din tura ruahman mek a nih thu leh hemi atana sum mamawh tur Rs 35 lakhs chu Ministry of Women & Child Development, Govenment of India-in a rawn tum tur thu ngaihthlak a ni. State Resource Centre for Women pawh din tawh niin thawktu tur pawh tih fel a ni tep tawh a ni.Hmeichhe dinhmun chawikan lama inzirtirna Workshop huaihawt ni se tih te bakah International Women’s Day hman ni se tih te an rel a ni.

Vawiin Meeting ah hian Social Welfare Minister Pu P.C.Lalthanliana leh Environment & Forests Minister Pu H.Rohluna te pawh an tel a ni.