No.1111/2020-2020

Vawiin khan Chief Minister Pu Zoramthanga hovin AH & Veterinary Minister Dr. K. Beichhua, Veterinary, Fishery and Sericulture Board Vice Chairman Pu C. Lalmuanpuia leh AH & Veterinary Department officer te chu CM Cabinet meeting room-ah thukhawmin, tun Novel Coronavirus hrileng avanga inkharkhipna kalpui mekah ei leh in lama harsatna mipuiin an tawh loh nana department hmalakna leh project dang hrang hrang hrangte an sawiho.

Chief Minister Pu Zoramthanga chuan hmasawnna tluantling nei tur chuan ei tura intodelh a pawimawh thu leh, tun hun khirh kan hmachhawn hian a tih chian leh zual thu a sawi a. Agriculture leh Horticulture department lamin buh, thei leh thlai lama intodelhna tura hma la in, Vety department chuan sa, artui leh bawnghnute a intodelh a hnianghnar zawka kan inchawm theih dan tur te, hemi atana kuthnatawktute puih dan tur te ngaihtuah a ngawrh taka hma la chhunzawm zel turin a chah a ni.

Vawiin meeting-ah hian COVID-19 avanga department project hrang hrang tangkhang awm phah thu sawi niin, hmalak zel dan tur leh hmachhawp dangte an sawiho a ni.

Vawiin meeting-ah hian AH & Very Secretary Pu C. Lalpeksanga, Director Dr. Hmarkunga leh officer dangte an tel a ni.