3050/2022-2023
Aizawl, 14th December, 2022: Chief Minister Pu Zoramthanga chuan vawiin khan a bial Aizawl East-I chhunga veng pariat atanga Covid-19 hrileng avanga chhungkaw khawsak harsatna tawk thlanchhuah mi 142 hnenah an eizawnna puitu atan puan thui khawl a sem.

Berawtlang Art & Culture Auditorium a programme buatsaih ah hian Chief Minister chuan state mal emaw ram pum huap chauh pawh ni lo, khawvel pum economy tibuai khawp hripui leng avang leh, thenawm rambuai in kan state min nghawng dan te a sawi a. Heng harsatna leh adang dang avanga sum harsatna thlen dan leh chungte chuan sawrkar hmalakna tur hmachhawp tam tak a tih thuanawp phah thu a sawi a. Hun pangngai (normal period) a nih loh avanga heng harsatna in a tihbuai loh hun dangte nen khaikhina nih theih loh zia te, chuti chunga state in tuna kan dinhmun kan thleng thei hi vanneihthlak a tih thu a sawi a. Boruak zia zel karah theih tawp chhuah a hma lak a nih dan te, mipui tawiawmna a pawimawh thu te sawiin, tumruhna nen theihtawp a beiin, hlawhtlina leh malsawmna nasa tak sual chhuah a nih theih thu a sawi.

Vawiina puan thui khawl sem hi MLA Fund atanga cheng nuai sawm leh pahnih sanction atanga sem a ni a. Thuampui, Falkland, Zemabawk, Zemabawk North, Berawlui, Bungbangla , Airfield leh Tuirial veng atanga mi thlante hnenah vawiin hian puan thui khawl hi sem a ni.