390/2025-2026

Aizawl, the 30th April 2025:  Vawiin khan Chief Minister Pu Lalduhoma chuan Mizoram tlawha lo zin mek All India Wine Producers Association hruaitute a kawm a. Mizoram tana an rawtnate a ngaihthlaksak.

Chief Minister chuan, an rawtna te chu ziaka thehlut turin a lo chah a, MLP Amendment Act kan nei a, rules lam kan buaipui mek a. In rawtnate chu kan dan te nen a inhne rem thei dawn em tih te kan en a ngai dawn a ni, tiin AIWPA hruaitute hi a lo chah.

Pu Jagdish Holkar, President, AIWPA chuan Mizoram, ram mawi tak hi Grapes leh thlai dang, wine siam theihna chite hmanga khualzinte hip thei khawpa ram mawiah a siam theihin kan hria. Wine Board tha tak awm se hmalak a awlsam zual ang. Tuna wine siam mek te hi an tha thawkhat a, tihchangtlun deuh erawh chu a tulin kan hria. Grapes, Balhla, Lakhuihthei, Dragon Fruits, Sapthei leh Kiwi te chingin wine a siam theih ang a, loneituten an hlawkpui bakah a siam lama tui te tan eizawnna tam tak a siam bawk dawn a ni. A siam lama tui te inzirna tur Incubation Centre pawh kan din thei ang, a ti.