Vawiin khan Chief Minister Pu Zoramthanga chuan CM’s Cabinet Room-ah (APYE), South Korea-a Mizoram atanga telte kawmna hun a hmanpui. Education Minister Pu Lalchhandama Ralte, Mizoram Youth Commission Chairman Dr. Vanlaltanpuia leh Pu Lalrinsanga Ralte, MLA ten an telpui.

APYE Korea hi August 18 - 27, 2019 chhung khan neih niin, Mizoram atangin naupang 13 tirh an ni a, officials ten an kalpui. Vawiina CM hova hun hmanah hian Youth exchange programme a hun an hman dan tlangpui report an pe a. LESDED Jt. Director Pi Malsawmdawngliani chuan naupang kaltur thlanchhuah an nih dan te sawiin, APYE ram danga kalpui a lo nih tawh dan chanchin tawi a sawi bawk.

Chief Minister, Pu Zoramthanga chuan economic primary sector kalpuina tur atan Mizoram sorkar in hmathlir lian tak a neih chu thalaite kal zelnaah rilru a dah reng turin a chah a. Khawvel ram dang mite nen a inpawh tlan zelna tur atan leh Society dangte nen a thawhho na tur atan heng ang programe hi chhunzawm zel tum a nih tur thu a sawi bawk. Pu Zoramthanga chuan MYC kaltlang chuan Mizo thalaiten hma an sawn a, an kal zelna tura theihtawpa remchanna siam sak zel chu a tum a nih thu a sawi a ni.

Kumin  Asia Pacific Youth Exchange, South Korea a neihah hian Mizoram atanga kalte hi Daegu, Seoul leh Ansan site-ah te tirhchhuah an ni a. Heng hmuna an thil hmuh leh tawn atanga Mizorama tualchhung harsatna chi hrang hrang te sutkian theih dan tur zirin, vawiin meeting-ah hian heng hmun an tlawhna atanga an thil zirchhuah te report pe in, Mizoram pawhin a kan neih leh kan tih ve theih thil tamtak an zirchhuah thute an sawi a ni.