Chief Minister Pu Zoramthanga chuan vawiin khan a bial Aizawl East-I chhunga Muthi, Muanna, Zuangtui leh Thuampui te tlawhin mipui kawmna hun a hmang.

Chief Minister chuanin sawrkar hna thawk kherlo a eizawnna ngelnghet mipuiin an neih theih nan sawrkarin hma a lak mek thu a sawi a. Chumi atan chuan kawng tha siam te, lo leh leilet tui mamawh chawmzo turin leh kawphetha atana lui hman tangkai te, mau chin a mau leh mau atanga thil siam te chu state sum dehchhuahna pui a siam te leh a dang dangahte hmalak a zel a nih thu a sawi. Sawrkarin zirna leh hriselna lama hmasawn chu a ngaihpawimawh thu a sawi bawk a. Zirlaite chu taima taka lehkha zir thin a, nu leh pa leh zirtirtute thu awih turin leh ruihtheihthil laka fihlim tlat turin a chah bawk.

Chief Minister hnenah hian Muthi VC, Branch YMA leh MHIP te atangin leh Zuangtui Branch YMA, MHIP leh MNF ten Chief Minister Relief Fund a chhunluh tur pawisa an hlan a ni.

Chief Minister hi sawrkar department hotute atangin Er. Lalmuanzova, E-in-C, PHED, Er  C. Lianlunga, Engineer in Chief, P&E Department, Pu J. Hmingthanzuala, Commerce & Industries Director, Pu Biakthanmawia, Director, Tourism Department, Pu Joseph H. Lalramsanga, Director, UD&PA, Er. Bowman leh officer dangten an tawiawm a ni.