3964/2023-2024

Dated Aizawl, the 26th February, 2024: Vawiin tlai khan Chief Minister Pu Lalduhoma chuan a office ah Mizo Nurse te, UK leh Germany a thawk tura training pea thawn thin Charkos hotute a kawm a. An hnathawh dan te chipchiar takin a sawipui.

Chief Minister chuan Mizo nurse, OET exam tuma beitu, sum lama harsatna neite chu Mizoram Youth Commission kaltlanga Hand Holding Policy hmanga sawrkarin a tanpui theih a rin thu a lo hrilh a. Hemi thila zirlaite harsatna hi ziaka a hnena thehlut turin a lo chah a ni.

He hunah hian Charkos Co-founder Dr. Seema Baliyan chuan an hnathawh dan tlangpui powerpoint presentation nen a pe a ni. Charkos te hi Mizoram OET Coaching Hub (MOCH) te nen tunah hian hma an la ho mek a, Chhinga Veng, Aizawlah hmunhma an nei a ni. Mizo thalai engemawzat in an ngaihvena, mahse training na tur sum leh paiah harsatna an tawk thin tih Chief Minister hi an hrilh a ni.

Chief Minister hi Pi R. Lalrodingi, OSD to CM in a tawiawm a ni.