477/2025-2026

Aizawl the 6th May 2025: Vawiin khan Chief Minister Pu Lalduhoma chuan a office-ah Pu Raja Srivastava, IPS, Addl. Director, CRPF, North East Zone chu a kawm a, Mizorama an hnathawh dan te a sawipui.

Chief Minister hian, Mizoramah CRPF ten ram venhimna leh mipuite tana hna tha tak tak an thawh thin avangin lawmthu a lo hrilh a, State Security Coordination kaltlanga thawhhona tinrengah theihtawp chhuahpui turin a sawm.

Pu Raja Srivastava pawhin, ram venhimna leh dan bawhchhiatna dona kawng tinrengah state sawrkar thawhpui tura an inpeih reng thu a sawi.

An inkawmnaah hian venhimna lam thil pawimawh tak tak an sawi dun a ni.

Chief Minister hi Pu Vanlaldina Fanai, Commissioner & Secretary chuan a tawiawm a ni.