4467/2024-2025

Dated Aizawl, the 28th February 2025: Vawiin khan Chief Minister Pu Lalduhoma chuan CM office tualah Indian Oil Corporation Limited te an CSR atanga an leisak 24 seaters TATA School Bus chu Ephatha Special School for the Deaf & Hard of Hearing hnenah a hlan.

Chief Minister chuan, IOCL hi kum tina Mizoram sawrkara chhiah chhunglut tam ber pawl an ni a, kum khatah Rs 170 crore vel zet chhiah an chhunglut thin. Covid lai khan Dialysis khawl 21 zet Mizoram sawrkar an pe a, Covid Bed engemawzat an rawn pe bawk. Mualkhanga an Bottling Plant chu an tilian mek a, he an hmalakna atan hian sawrkar pawhin ram zau tak kan hawhtir a ni. Mizoramin oil Depot tha kan mamawh avangin Depot an dinna tur hmunhma pahnih kan kawhhmuh mek a, an rawn thlan fela, hna an rawn tan thuai kan beisei.

Hei, vawiin Ephatha School tan Bus tha tak mai an rawn pe a, Spastic Society tan kuminah bus pahnih pek an tum bawk. An hnathawh leh thilpekte hi kan tan a hlu a, an chungah ka lawm hle a ni, a ti.

Pi Saihmingthangi, Ephatha Society President pawhin IOCL leh Chief Minister Pu Lalduhoma chungah lawmthu a sawi a. Kan fate hi veng hrang hrang atanga kal khawm an nih avangin a tangkai hle dawn a ni, a ti.

Bus registration senso hi Chief Minister hian a tumsak dawn a, Insurance bik erawh chu Pu Zothantluanga, TATA Dealer in a tumsak dawn a ni.

Bus inhlannaah hian IOCL atangin Pu Z. Lhungdim, DGM(LPG-Engineering) cum State Level Coordinator for Mizoram, Pu Kuldip Sarma, Senior Manager(Retail Sales) leh Pi Malati Malakar, Senior Manager(HR-CSR) te an tel a. Ephatha Society hruaitute,  Special School zirlai naupangte leh thawktute bakah CM Office thawktute an tel bawk.