4466/2024-2025

Saitual, the 28th February, 2025: Vawiin chawhma dar 11:00 khan DC Chamber, Saitualah District Bawrhsap Dr. Lalngura Tlau kaihhruainain Chief Minister’s Bana Kaih Innovation Challege hnuaia Inventor’s Challenge chungchang ngaihtuahin thutkhawmna neih a ni.

He hunah hian District Bawrhsap Dr. Lalngura Tlau chuan kalkhawmte hnenah lawmthu a sawi a, CM Bana kaih Innovation Challenge hnuaia Inventor’s Challenge hmang hian Saitual District mipuite zinga ngaihtuahna fing leh tha nei te a khawrh chhuah theih dawn a ni, a ti a. He hmalakna hmang hian mipui ten hlawhtlinna an lo chan ngei theih nan kalkhawmte chu a thehdarh kawngah hma la turin a chah nghal a ni.

He Inventor’s Challenge competition ah hian category pali (4) a awm dawn a, Open category leh Higher Educational Institution(HEI) Category niin, sub-category-ah hian hardware leh software a awm dawn bawk a ni. Open Category for Hardware Innovation hi District level-ah intihsiakna neih tur a ni a, vawiin thutkhawmah hian intihsiakna endik tur judge te ruat nghal a ni. Pu Lalthakima Chhangte SDO (S) chu chairman atan ruat a ni a, Saitual District atang Pu Micky R. Lalenkawla, DEO leh Pu Laldinsanga Hnamte, DUDO chu ruat niin, Mizoram Science Techonology & Innovation Council (MISTIC) atang official pahnih te chu Dte, Science & Technology (DST) in a ruat dawn bawk a ni.

District Level Competition for Open Category for Hardware Innovation hi Saitual District ah March ni 11, 2025 hian neih a ni dawn a, March ni 5, 2025 atang registration a tih theih ang.

He intihsiaknaa ti tha te chu hetiang hian lawmman pek an ni ang:

1st rank : Rs. 25,000/- (Rupees twenty-five thousand only)
2nd rank : Rs. 15,000/- (Rupees fifteen thousand only)
3rd rank : Rs. 10,000/- (Rupees ten thousand only)

Registration tihna tur link chu :

a. Open Category for Hardware Innovation: forms.gle/APTHQvqNT7uxzuJD9
b. Open Category for Software Innovation: forms.gle/BRenBccHpd44YXSHA
c. HEI Category for Hardware Innovation: forms.gle/KQEt3W8FbbeMyh9z5
d. HEI Category for Software Innovation: forms.gle/rRXQDQVb4LL5944V9