Chief Minister Pu Lal Thanhawla chuan vawiin khan Kolasib Diakkawn YMA Hall-ah Kolasib District tan NLUP thawh thumna leh thawh lina a sem. Dawng tur thlante an thathnem deuh avangin Chief Minister hian line department pariat-ah a hmingin (a tokenin) mi panga theuh hnenah a sem a ni.

Chief Minister chuan NLUP chu Pathian malsawmna, mirethei, pachhia, kuthnathawkmi leh eizawnna a rahbi tleuh tawhte chhanchhuahna tur a ni a. NLUP hi tu ta bik mah a nilo tiin, ram ram leilung fate ta a ni, a ti a. Mirethei leh pachhia, chanhaite leh chhumchhia ten an khawbuzawlah theuh lei rem an rah theih nan leh khaw eng an hmuh theihna tura rahbi kan tuk sakna tur a ni a. Hei hi Pathianin ringlo mite thinlungah hna thawkin, sum kan dil aia tam daih min rawn pe a ni tiin, Pu Hawla chuan keini ringtu te phei chuan kan hlawhtlinpui ngei hi ka phut tlat a ni, a ti. Chuvangin rinawmna, taimakna, dikna leh Pathian tihna nung nenkandawn a tul a ni, a ti.

Chief Minister chuan tun term chhunga NLUP dawngtute hian an hlawhtlinpui hman vek dawn lo tiin, an hlawhtlinpui ngeinaturinan mahni enkawlzuina tur ‘Exit Protocol’ pawhsiampeih tawh a ni, a ti.

Kolasib District atan Chief Minister Special Scheme pawh veng panga-ah chhungkaw pakhat zel tan sem a ni a, sum hi district tan Rs. 20 Lakhs dah a ni.

Chief Minister hian Kolasib District chhunga Auto Rickshaw dawng tur mi 32 te hnenah Auto Rickshaw hi a vailiam bawk a ni.

NLUP tanpuina sum sem inkhawm hi Kolasib District Bawrhsap Pu R. Lalramnghaka’n a kaihruai a ni.