Mizoram Excise & Narcotics Service Association (MENSA) chuan a hnuai ami ang hian thuchhuah an siam :

Ni 20.8.2012 ah Rampanmawia s/o Thangzuala (L) hnen atangin Excise & Narcotics Officer ten damdawi khehna khawl nia rinhlelh pahnih an man a. Hemi avang hian Rampanmawia pawh chu 21.8.2012 ah man a ni ta a. Case Investigating Officer in thu a zawhnaah tunhma chuan zarda leh tuibur, vaihlo leh damdawi a a sumdawn thin thu a sawi a. A hnen atang hian damdawi pakhat mah man a ni lo. Case Investigating Officer hma a a statement pek hi chawp leh chilhin a pha lehnghal a, signature pawh a pe lova. He statement hi court in Confessional Statement a tih ang hi a ni lo a, Confessional Statement chu accused in Magistrate hma a section 164 Cr. P.C., 1973 hnuaia a inpuanna hi a ni a. Chutianga Confessional Statement pek chu Law Court ah thutlinga pawm a ni a, a statement petu puh letna atana pawmtlak a ni.

Damdawi pakhat pawh man lova, a khehna ni a rinhlelh nen chauh hi chuan court a kalpui zel turin thu tling (prima facie) hmuh a ni lova ; chuvang chuan Case Investigating Officer hian Court ah 27.8.2012 khan Final Report thehlutin thubuai siam sak zel tlak a ni lo tiin a thlen a. Magistrate chuan chu chu pawmin Rampanmawia chu a chhuah ta a ni. Law Enforcement Officer te, Court Officer te leh chinchang hre deuh te chuan an hrethiamin an pawm vek in a rinawm.

Excise & Narcotics Department kaihhnawih thil sawifiah tur a awm avangin Commissioner, Excise & Narcotics hian Health Minister chu Press Conference a neihnaah a tawiawm ve a. Hemi avang hian Commissioner, Excise & Narcotics chuan tih sual a nei lova ; Central Civil Service (Conduct) Rules, 1964 a zawm mai zawk a ni e.