3436/2023-2024

Dated Aizawl, the 22nd January, 2024: Vawiin khan Chief Minister Pu Lalduhoma chuan a office-a, Mizoram Truck Owners' Association hruaitute a kawm a. Aizawl leh Assam ramri inkar, Mizoram chak lakna kawngpui ber tha lo lai te avanga an harsatna leh thil dang pawimawh an thlen te a sawipui.

Chief Minister hian, Truck Owners' Association hruaituten an harsatna tawh mek an sawi te chu a hrethiam hle tih a hrilh a. A theih anga ranga hmalak dan a dap tur thu hrilhin MTOA hruaitute awm lai hian PWD hotute a be nghal a ni. Tuna a chhe zual an sawite awmna hi NHIDCL chan a nih avangin a rang lama NHIDCL thuneitute sawipui dan turte pawh a ruahman nghal bawk.

Kawngpui chungchang bakah hian Weigh Bridge tha lo leh dik tawk lo awm thin nia an hriat thu te pawh Chief Minister hnenah hian an thlen a ni.