Tukin zing khan Chief Minister Pu Zoramthanga chuan Khamrang dunga National Highway 54 siamthat tur chu PWD hotute nen a hmunah an enfiah. Chief Minister hi Information & Public Relations Minister Pu Lalruatkima'n a tawiawm a ni.

Chief Minister chuan kawng siamthat hna chu a rang thei ang bera thawh a duh thu a sawi a. Kawng siam dan tur PWD hotute nen sawihovin, a then lai chu cement concrete a siam a nih tur thu an sawi.

Chief Minister hian Sethawn Care Centre, Social Welfare enkawl chu tlawh bawkin, ruihhli ngaite enkawlna hmun siam belh theih dan tur a en a. Horticulture Department farm, Thingdawl ami chu a tlawh bawk.

Chief Minister hi Principal Secretary to CM leh PWD Secretary ni bawk Pu Lalram Thanga, PWD (Highway), Chief Engineer Pu K. Sawmvela leh officer dangten an tawiawm a ni.