2456/2022-2023
Aizawl, 27.10.2022: Chief Minister Pu Zoramthanga chuan vawiin khan Dr. C Biakmawia ziah lehkhabu pahnih - "Nghilh loh nan" leh "Lest we forget" chu Aijal Club ah a tlangzarh.

Chief Minister chuan lehkhabu ziah chu thil hautak tak a nih zia leh vawiina a ruala lehkhabu pahnih, tawng hnih a ziah tlangzarh theih a ni chu a fakawm a tih thu a sawi a. Mi talent tha tak tak nei a tawnhriat tam tak neiin a chanchin a ziakna bu a buatsaih chu lawmawm a tih thu sawiin, midang tana mahni talent te hmang thin te an entawntlak thu a sawi a ni.

A lehkhabu ziaktu Dr. C. Biakmawia chuan a in buatsaih dan tlangpui a sawi a. He lehkhabu tlangzarhna hun hi Prof. Rualkhuma Colney chuan kaihruaiin, Rev. Dr. Tlanghmingthanga, ATC Principal chuan hunserh a hmang a. Lehkhabu Mizo ziak hi Lalhruaitluanga Chawngte chuan a keuhawnna neiin, English ziak hi Dr. Hmingthanzuali chuan keuhawnna a nei bawk. Most. Rev. Bishop Stephen Rotluanga chuan lehkhabu hlanna neiin, Prif. Dr. Laltluangliana Khiangte, Padma Shree chuan lawmthu sawina neiin Rev. S.R. Lalkailuaia chuan hun tawp a siam a ni.