Nimin chawhnu khan Chief Minister Pu Lal Thanhawla chuan a Office-ah NGO hruaitute kawmna nei in thil pawimawh bik a sawipui.
Chief Minister Pu Lal Thanhawla chuan CYMA, MZP, MSU leh NSUI hruaitute chu Mizoram tana MBBS seats pekzat tihhniam chungchang leh Citizenship (Ammendment) Bill 2016 chungchang a sawipui a. Sawrkar ngaihdan leh a hmalakna te NGO hruaitute hi a hriattir bakah Mizoram tan leh Mizoram thatna tura NGO hmalakna ah te fimkhur taka thiltih ngai a ni tih a sawi a. An inkawmna ah hian hmalak dan tha ni a an hriat te sawiho a ni.
MBBS seats kum 2017-18 chhung atan Mizoram in 17 chiah a nei ta chu thil tih dikloh a nih thu leh Mizoram in Doctor a mamawhna a sang hle zawk a ni tih ziakin Chief Minister chuan Mizoram tana MBBS seats pek thin chu 25 ah tihpun leh nise tiin Union Health Minister Pu Jagat Prakash Nadda hnenah vawiin, August Ni 21 khan lehkha a thawn a ni.
Citizenship (Ammendment) Bill 2016 chu sakhuanna tlawhchhana diklo taka khua leh tui nihna mi thenkhat hnenah pekna remchang a ni tih leh hemi chungchangah hian Mizoram sawrkar pawh Joint Committee on Citizenship (Ammendment) Bill 2016 in tha a tih anga rawn ve ni se. Inrawnna ah hian Mizoram chhunga political party te, NGO hruaitute leh sawmbik te pawh telh ve nise tha a tih thu Chief Minister chuan kumin July ni 31 khan Union Law Minister Pu Ravi Shankar Prasad hnenah leh August ni 11 khan Dr. Satyapal Singh, MP, Chairperson, Joint Committee on the Citizenship (Ammendment) Bill 2016 te hnenah te lekha a ziakin a lo hriattir tawh a ni.
