Nimin chawhnu dar 1:30PM khan MYA Hall, New Siaha-ah KVK (Krishi Vigyan Kendra) leh DRDA te buatsaihin, SANKALP SE SIDHI (NEW INDIA MOVEMENT 2017-2022) Programme hman a ni. Vawiin programme hi  Dr.Vanlalhruaia Hnamte, Sr.Scientist & Head KVK leh Pu VL.Hruaizela Khiangte, PD, DRDA ten an kaihruai a. Dr.K.Beichhua, Siaha Bialtu MLA chu khuallian niin, Bawrhsap Pi Harleen Kaur IAS chu khualzahawm  a ni thung.

Khuallian Dr.K.Beichhua MLA chuan thusawiin, vawiin ni hi  Bristish awpbetna nghawngkawlh atang India ram in Zalenna (Independence) a hmuhna  kawnga  movement pawimawh tak “India chhuahsan rawh” (Quit

India movement)  tiha kan ram zalenna sualtuten thutiam an lakna cham vawi 75 na ni a. Kan hruaitu hmasa te inpekna leh tawrhna te, kan Zalenna hlutzia te hre rengin, India in Zalenna (Independence) a hmuhna cham vawi 75 thlen nana kum 5 (2017-2022) la bak chhung zawng hian  theitawp chhuahin India ram hi Ramthar-ah i siam ang u, tiin mipui kalkhawm te chu Thutiam “ New India Pledge” a lakpui  hlawm. Khualzahawm Bawrhsap Pi Harleen Kaur pawhin thu sawiin,  India in zalenna a hmuh cham 75 na kan thlen hunah chuan  kut hnathawktu te tana sum lakluh/tharchhuah a let a pung tura ruahhmanna (Doubling Farmers Income by 2022) hi Sankalp Se Sidhi   thiltum pui ber a ni, a ti bawk.

Programme hmanna-h hian Hon’ble  Prime Minister Narendra Modi thuchah chu Pi. Rachael, Scientist KVK in chhiarchhuakin, Pi S. Sisi, Scientist  KVK in  Pu Radha Mohan Singh, Hon’ble Minister of Agriculture thuchah a chhiarchhuak bawk . Projector hmangin  “ Freedom Struggle” tih Film chhuah a ni bawk.

Niminn programme ah hian Pu S.Kaptluanga, BDO, Siaha RD Block leh Pu Andy Lalfakzuala BDO, Tipa RD Block te DRDA hnuaia Sankalp Se Sidhi kalpui nana ruahhmanna awm leh hmalak tawhte report an pe bawk.

Programme hi Dr.T.Vanlalngurzauva, Scientist KVK chuan lawmthu sawiin a khar ta a ni.