Chief Minister Pu Lal Thanhawla’n nimin tlai khan Thenzawl bul Sailam Bazara Petrol Pump thar Zozo Filling Station a hawng a. Petrol pump thar hian he tlangdung awm mipui leh he lamliana zin veivak te mamawh a phuhruk a beisei thusawiin pump neitu leh a thawktu te chu sumdawng leh mipui tan rawngbawltu an nih angin mipui dawr nuam tak ni turin a chah a. Petrol leh diesel tel lovin kan khawsa thei lova thil alh theih leh hlauhawm anih avangin a zawrhna hmun petrol pump a bak a zawrh theih lova chuti chungin mi thenkhat ten kawngkam leh dawr ah te an zuar a. Hei hi Sawrkar dan bawhchhiatna a ni tih hria se tia a duhthu sawiin DC leh SP tin ten he dan leh hemi chungchanga thupek awmsa chu khauh zawka an kenkawh a tul thu a sawi.

Zozo Filling Station neitu hi Pu Vanrammawia Lailet a ni.