Vawiin hian Serchhip District Legal Services Authority buatsaih District Level Essay Competition lawmman semna hun District Court Conference Hall, Serchhipah neih a ni a, Dr. Lalrozama, IAS, District Bawrhsap chuan khuallian niin a hmanpui a, lawmman a sem nghal.

Khuallian chuan Zirlaite hmakhua ngaihtuah chunga hetiang intihsiakna buatsaih a ni hi a buatsaihtute an fakawm atih thu a sawi a, zirlaite pawhin intihsiakna pawimawh tak ani tih hre chunga rilru leh ngaihtuahna an sennaah lawmthu a sawi. Essay thupui tha tak hmanga an intihsiakna te chu an hmalam hun atan an nun kaihruaitu ni zel se a duh thu a sawi a ni. Tunlai khawvelah inelna a sang a, kan hmalam hun atan theihtawpa kan rilru kan buatsaih a tul a ni a ti a, zirlaiten an hmalamah harsatna engpawh tawk mahse hmachhawn ngam tura rilru huaisen nei chungin tum fel tak nei tlat turin a chah bawk.

He hun hi Pu Lalpekhlua chuan Serchhip District Legal Services Authority Member Secretary aiawhin a kaihruai a, Intihsiakna neih a nih dan chungchang sawiin, intihsiakna hi Primary level atanga College level thenga then hran niin, thupui hrang hrang hmanga intihsiakna neih a ni a, Lawmman pakhatna hian Rs. 10000, pahnihna in Rs. 7000 leh pathumna in Rs. 5000 leh thuziak an dawng theuh a, a tel zawng zawng ten Participation prize atan Rs. 1000 theuh an dawng bawk a ni.

College level-a lawmman dawngtute chu- 1-na Ruthi Lalnunsangi, 2-na Melody Lalrammuani leh 3-na Zohmingthanga te an ni a, an vai hian Govt. Serchhip College zirlai naupang vek an ni. Higher Secondary Level lawmman dawngtute chu- 1-na Lalhriatkimi Rokhum, GHSS Serchhip, 2-na S. Lalruatfela, St. Peters HSS, Chhingchhip leh 3-na Ruhti C. Vanlalruati, GHSS Serchhip te an ni. High School Level lawmman dawngtute chu- 1-na Cynthia Zomuanpuii, Marian HS Serchhip, 2-na Nicholas Vanlalsawma, A&M Grand Child HS N. Vanlaiphai, 3-na Lalfakzuali Chawngthu Marian HS Serchhip te an ni a. Middle School Level-a lawmman dawngtute chu- 1-na R. Lalchhantluangi, LFCS Serchhip, 2-na Baby Lalnunhlui, All Saints School Serchhip, 3-na C. Lalhmangiahzuali, LFCS Serchhip. Tin, Primary School Level-a lawmman dawngtute chu- 1-na CV Lalrinmawia CMS Serchhip, 2-na Lalrinchhana, LFCS Serchhip leh 3-na Hmingsangliana All Saints School Serchhip te an ni.

Attachment

  • Loading attachment...