2709/2024-2025

Dated Aizawl, the 26th October, 2024: Vawiin tlai khan Chief Minister Pu Lalduhoma chuan dam takin Aizawl a rawn thleng a, a rawn thlen hnu lawkah CM Conference Hall ah Delhi a cham chhunga Mizoram tana hma a lakna tlangpuite Press mite hnena sawina (Press Conference) a nei.

Chief Minister hian, Prime Minister Pu Narendra Modi nena an inkawmna te, Pu Amit Shah, Union Home Minister nena an inkawmna te, Defence Minister Pu Rajnath Singh nena an inkawmna te, Pu Nitin Gadkari, Minister of Road Transport & Highways nena an inkawmna te, Pu Piyush Goyal, Minister of Commerce Industries nena an inkawmna te, Aizawl khawpui chhung atanga Assam Rifles te Zokhawsanga an insawnna tur inremna (Memorandum of Agreement) October ni 23 a Assam Rifles leh Mizoram sawrkarin Delhi-a an ziah fel tak thu te, Vairengte leh Aizawl inkar 4 Lane kawngpui sialna tur zangnadawmna (compensation) lama harsatna chu Central sawrkarin chingfel tura hma a lak tur thu leh Highway lam hmalakna Review Meeting an neih thu te, Village Council Grant chungchang central thuneitute a dawr dan te, Mizo Battalion Territorial Army din tura sawrkar laipuia dilna a thlen thu te, sawrkar laipuiin Project Tiger & Elephant hnuaia Dampa Tiger Reserve tana 2nd Instalment Rs. 152.022 lakh a sanction thu te leh thil dang pawimawh tak takte a sawi a ni.

Chief Minister Press Conference hi Ministers, Adviser to CM, MLA leh Official pawimawh tak takten an tawiawm a ni.9