Inrinni kalta ni 28th May 2011 khan Chief Minister Pu Lal Thanhawla chuan Thenzawlah Police Training Centre (PTC) leh Community Hall chei that tum chu a tlawh.

Chief Minister hian community hall cheithat tum hi tlawh hmasa in, hun rei tak Thenzawl mipui ten an hman mek community hall hi hmasawnna kal chho zelah duhdan a pha tawh lo hle a, chuvangin sorkar-in a cheithat nana cheng nuai 30 a dah hmang hian a hma leh a hnunglam tih zauh belh a, a stage leh a bang tukverh bakah tul dang dangte siam that tur te hi Pu Hawla hian a en a, PWD Senior Architech in a chei that leh siam that theih dante a hrilhfiah a ni.

Chief Minister hian Thenzawl atanga Km 4 vel a hla a awm, Police Training Centre (PTC) a tlawh bawk a. PTC hi Aizawl - Sairang kawng Lungverha awm thin a ni a, Thenzawlah hian 2nd March 2011 khan an insawn phei a ni. Tunah hian hemi Centre a training nei tur batch hmasa ber May ni 18 khan Police 228 an lut a, PTC Principal hi Pu LR Dingliana Sailo, MPS a ni.