Chief Minister chuan 'Mizo ten YMA kan nei hrim hrim hi a lawmawm hle a, Mizo hnam an chawimawi hle a ni' a ti.He thu hi tukin zinga CYMA Hall, Tuikhuahtlanga ruihhlo halralna programme CYMA hruaitu tena an buatsaiha a sawi a ni.






Chief Minister chuan YMA in ruihhlo dona kawnga a hmalakna chu tha a tihthu a sawi a, an hnathawh hi Pathianin hmanrua ah a hmang hi a lawmawm hle a ni a ti a.Ngawrh zawka ruihhlo dona a hmalatu Central Anti Drugs Squad (CADS) hnathawh chu ropui a tih thu sawiin, an hmalaknaah mipangngai chin chu an lawm hle a, mahni kuta dan lekkawh mai lo leh sawiselna awm lova hma an la chu a lawmawm hle a ni a ti. Thahnemngai taka an thawk chungin,an mi mante tanina an tang reilo lutuk thin chuan an hmalakna ati hnual ang tih a hlauhthawn thu sawiin, ram leilung fa nilo te phei chu tan hi nuam an ti zawk emaw ni, nuam an tih loh nan rei tak tan tir theih dan ngaihtuah a tul a ni a ti. Sum nei ten pawisa thawha CADS hmalaknaa tangkaina an nei te hi a lawmawm hle a ni a ti.

Mizo thalaite chu YMA member an nih vek avangin kan ramngaw, thing leh mau te, nungcha leh sangha te humhalh tur hian YMA hi a pawimawh hle a ni Pu Lal Thanhawla chuan a ti a. Mizoramah leilung fa nilo ten inhlawhna an hmuh rengte hi keini a leilung fa te zawk hian thawk hreh lovin, thawk ve peih vek ila, pawnlam mi te hi kan ramah an awm reng peih lovang a ti. Chief Minister chuan awlsam taka sum hmuh kan tumna hian kuttlinglo pawha sum hmuh kan hreh loh phah a, thawk lova dawt bill a sum hmuh theihna nia kan hriat avangin contract hna thawh tum kan tam ta lutuk te hi a pawi hle a ni a ti a. Sum hi a thawha thawchhuah chi a ni a ti.Intodelhna lam thuah Pu Hawla chuan kum khata thla hnih daih pawh tharchhuah neilo hian, vairam buhfai Bairabi emaw Vairengte emaw a rawn thlen loh chuan mahni theuh kan intodelhlo a ni tih inen silova midang puhmawh tur kan zawng thin hi kan inbihchian hle angai a ni a ti.

Chief Minister nupui Pi Lal Riliani chuan CYMA in Khawtlang Nun Siamthat tih thupui an neih ruala ruihhlo do an nei bawk chu tha a tihthu sawiin, hma an lak zelna turah tangkaina a neih ve beiseiin CYMA Preident hnenaah cheng 55,000/- a hlan a ni.

Chief Ministerin ruihhlo a halral tak hi parvon/proxyvon 10894 capsules (Rs 3,26,100/-), No 4 Heroin 2 hawng, 108 cans 4 caps (Rs 4,51,500/-), nitrosun 44 tablets, ganja 2kgs 600 grams leh alprozolam 190 tablets a ni a, avaia manhu chu Rs 7,86,450/- a ni.

Vawiina halral tak tiam lova kum 2010 May ni 29 leh 2011 May ni 29 inkar chhunga CADS in ruihhlo a man hlutna zawng zawng belkhawm chu cheng nuai 184,85,892/- a ni a, mithahnemngaite hnen atanga tanpuina an dawn zawng zawng tlingkhawm chu cheng nuzi 13,06,505/- a ni.

Ruihhlo halral inkhawma tel Pu P.Singthanga, Secretary,L&J department chuan dan bawhchhia a ruihhlo(drugs) zuar leh hmangsual mante hremna dan awm theite a sawi a. Inkhawm hi CYMA Vice President Pu JH Zoremthanga'n a kaihruai a ni.


Attachment

  • Loading attachment...