Chief Minister Pu Zoramthanga chuan tukin khan Zemabawk Kawnvengah vantlang tuikhur, public point water borewell chu a hawng a. Vengchhung mipuiin tangkai taka an hman a beisei thu a sawi.

He tuikur hi leiverh, feet 800 hnuai atanga pump khawl - Borewell Submersible pump set, 4" 5PHP, 3 Phase hmanga tui pump chhuah a ni dawn a. Power hi generator 15kVA, 3 Phase A/C, std. panel hmanga backup a ni dawn bawk. He tuikhurah hian overhead tanky tui litre 9000 vel leng thei tur siam tel nghal a ni. Treatment plant siam thuai tum a ni bawk.

Khawtlang hruaitute chuan vantlang in a mamawh leh tangkaipui em em tur tui hnar thar a nei ta chu lawmawm an tih thu sawiin, Chief Minister chungah lawmthu an sawi a. He tui hnar hi khawtlang mamawh phuhrukna tur a nih thu leh, sumdawnna lam hawi atana hman erawh phal a nih loh tur thu an sawi.

Chief Minister Pu Zoramthanga chuan tukin vek khan Zemabawk Galilee veng panna kawng zauh tur chu a hmunah a enfiah nghal a ni.