Chief Minister Pu Lal Thanhawla chuan vawiin khan Assamese kutpui Rongali Bihu, Vanapa Halla Assam Cultural Society Mizoram : Aizawlin lawmna a buatsaih chu a hmanpui.
Chief Minister chuan Assamese te hunpui rei tak a hmanpui tawh loh thu sawiin, tun huna sawm a ni chu lawmawm a tih thu a sawi a. North Lakhimpura kum 3 ngawt a awm thin laia assamese te zinga awm nuam a tih thin thu a sawichhuak hmasa a. Chief Minister chuan Assam chu hnamze hrang hrang awmna anih angin kumtluana hunpui lawm tur a indawt chho a, chung zingah chuan Bihu hi kutpui pawimawh ber, engtikawngmaha inthliarna awm lo, mi tupawh ina an lawm tlan a ni hi Bihu mawina chu a ni a ti a. India ram hmun tam taka a kal tawhna-a alo tawn tawh zingah Bihu hi kutpui hlimawm leh nuam a tih ber a ni a ti.
Hnam tam zawk ten kum khatah kutpui pakhat an lawm thin laiin, Bihu chu tum thum -Thal, Favang leh Thlasik ah te lawm thin ani chu a mak danglamna a ni Pu Hawla chuan a ti a. Assam chu hmarchhak state te Nu Ber ang a ni tiin, kan tlangnelin kan intitatu hle a ni a ti a. Hei hi Assamese te pawhin min tawmpui ngei ka ring a ni a ti. Assamese te thil ngaihhlut, aia upate zah te, naupang zawkte duat leh duhsak leh khawtlang vantlang inpawlhona duhawm tak neihte hi Bihu kutpui ah hian a langsar hle a ni a ti a. Assam Cultural Society Mizoram in hetiang, hnam thil pawimawh a chawinung hi thil lawmawm tak a ni Chief Minister chuan a ti.
Assam chu Hmarchhak State dang tam zawkin harsatna an neih ang a neihte chu dawhkan kila sawirem theih anih a beisei thu a sawi a. Sorkarna chelh mek tu Tarun Gogoia kaihhruai chu inthlanah chakna an chan leh avang leh felfai taka inthlanna kalpui anih avangin a lawmpui thu a sawi a. Assam mipuite chu duhsakna a hlan nghal a. Rongali Bihu chu hlim tak leh hlawhtling taka hmang theuh turin duhsakna a hlan bawk a ni.
Assam Cultural Society Mizoram President Dr. Dipak Kumar Barkakati chuan Chief Minister in an sawmna ngaipawimawha he huna an nupa a an rawn tel sak thei chu lawmthu a hrilh a. Assamese te tih danphungin an mikhual tha Pu Lal Thanhawla te nupa chu Gamosa an bah tir a, Japi khum tirin, Sarai an hlan bawk a ni.
Rongali Bihu lawm tak hi Spring Festival a ni a. Lawmna programme chipchiar takah hian Assamese lam chi hrang hrang bakah Hmarchhak state a hnam chi hrang hrang lam leh zai te nen an lawm a ni.
Hnam tam zawk ten kum khatah kutpui pakhat an lawm thin laiin, Bihu chu tum thum -Thal, Favang leh Thlasik ah te lawm thin ani chu a mak danglamna a ni Pu Hawla chuan a ti a. Assam chu hmarchhak state te Nu Ber ang a ni tiin, kan tlangnelin kan intitatu hle a ni a ti a. Hei hi Assamese te pawhin min tawmpui ngei ka ring a ni a ti. Assamese te thil ngaihhlut, aia upate zah te, naupang zawkte duat leh duhsak leh khawtlang vantlang inpawlhona duhawm tak neihte hi Bihu kutpui ah hian a langsar hle a ni a ti a. Assam Cultural Society Mizoram in hetiang, hnam thil pawimawh a chawinung hi thil lawmawm tak a ni Chief Minister chuan a ti.
Assam chu Hmarchhak State dang tam zawkin harsatna an neih ang a neihte chu dawhkan kila sawirem theih anih a beisei thu a sawi a. Sorkarna chelh mek tu Tarun Gogoia kaihhruai chu inthlanah chakna an chan leh avang leh felfai taka inthlanna kalpui anih avangin a lawmpui thu a sawi a. Assam mipuite chu duhsakna a hlan nghal a. Rongali Bihu chu hlim tak leh hlawhtling taka hmang theuh turin duhsakna a hlan bawk a ni.
Assam Cultural Society Mizoram President Dr. Dipak Kumar Barkakati chuan Chief Minister in an sawmna ngaipawimawha he huna an nupa a an rawn tel sak thei chu lawmthu a hrilh a. Assamese te tih danphungin an mikhual tha Pu Lal Thanhawla te nupa chu Gamosa an bah tir a, Japi khum tirin, Sarai an hlan bawk a ni.
Rongali Bihu lawm tak hi Spring Festival a ni a. Lawmna programme chipchiar takah hian Assamese lam chi hrang hrang bakah Hmarchhak state a hnam chi hrang hrang lam leh zai te nen an lawm a ni.
Attachment
- Loading attachment...
