4277/2024-2025

Dated Serchhip, the 17th February 2025: Vawiin khan Chief Minister Pu Lalduhoma chuan a bial Serchhip a tlawh a, Serchhip District Hospital sak mek a tlawh.

Serchhip district hospital sakna tur hi Power Grid Corporation of India Limited (PGCIL) CSR Rs 21 crore hmuh a ni a. Amaherawh chu engemaw harsatna avangin a sak hna hi tan nghal mai a ni lo va. Sawrkarin nikum khan NESIDS atangin Rs. 50 Crore dah belhin hna pawh tan nghal a ni ta a. CSR Rs. 21 crore senna tur chin hi contractor in a thawk mek a, an hnathawh chin te vawiin hian Chief Minister hian a en a ni.

Harsatna an tawh hrang hrang te a sawipui a, a hmuna an en laiin a kaihhnawih official pawimawh te phone-a be nghal zelin, hna a kal chak theih nana tihtur awm ang angte chu rang taka bawhzui zel anih tur thu a sawi a ni.