No.787/2021-2022
2.6.2021: Chief Minister Pu Zoramthanga chuan Prime Minister Pu Narendra Modi hnenah special category state-te tan a thlawna COVID-19 vaccine pe tura ziakin nimin (2.6.2021) khan a thlen.
Chief Minister chuan he hrileng avang hian state harsa zawkte chuan kawng hrang hrangah harsatna a tawh thu tarlangin, kum 18-44 inkar vaccine lak tur chu anmahni suma lei tura tih an ni leh zel chuan harsatna nasa tak a siamsak avangin, vaccine mamawh zawng zawng chu Mizoram leh special category state dangte tan chuan a thlawna pek a nih theih nan hmalaksak turin a ngen a. Hemi rual hian India hmarchhak state Chief Minister dangte pawh inlungrual taka hmalak puiah a sawm bawk a ni.
