No.788/2021-2022

Aizawl, the 2nd June 2021: Sports Minister Pu Robert Romawia Royte leh Aizawl East-II Bial MLA  ni bawk chuan vawiin khan a bial chhung fangin sumfai Rs 5,00,000/-(Cheng nuai nga)leh Oxygen Concentrators 4, PPE full sets 25, Sanitizers leh hand gloves te bakah mamawh dangte a sem chhuak.

Sports Minister Pu Robert Romawia Royte  chuan a Aizawl East-II hian Covid 2nd Wave hi an tuar na hle a. Hetiang boruak karah hian Local Council te,Kohhran te leh NGO ten tan lain LLTF ah tha taka insuihkhawmin theih tawp an chhuah mek tih a sawi a. Aizawl E-II bialah hian Mizorama Covid vei mek zawng zawnga 18% vel awm mahse sawrkar hmalakna tha tak avang te leh Veng chhung leh vengpawn atanga Doctor leh Nurses hlawh phut miahlova rei tawh tak atanga duty te inpekna a zarah ziaawm lam  a pan thuai beisei a ni a ti. Pu Robert Romawia chuan Mizo upaten Sem Sem Dam Dam anlo tih thin angin a thei theiin tlemlua awm lovin mahni veng leh thenawma mamawhtute in  tanpui ila. Covid hripui kan tawrh mek hi mi retheite leh mihausa zawkten inkawmngeih zual nan leh inpawhtawnnan hmang hlauh i la. Hei hian Mizo nih nawmna min hriatthar tir leh dawn a ni tiin a bial mipuite chu a fuih a ni.

 Vawiina Sports Minister in a bial chhunga covid dona hmanrua tam tak a sem baka MLA Fund atanga sumfai ruahman a sem dan chu hetiang hi a ni e.

1) Saron Veng LLTF & 2 CCCCs=Rs 1,50,000/-

2) Chhinga Veng LLTF & 2 CCCCs=Rs 1,50,000/-

3) Dawrpui CCCC-Rs 50,000/-

4) Tuithiang CCCC-Rs 50,000/-

5) Armed Veng LLTF-Rs 20,000/-

6) Armed Veng S LLTF- Rs 20,000/-

7) Chite Veng LLTF-Rs 20,000/-

8) Ward No 8 CCCC @ Chite - Rs 40,000/-

Avaiin Rs 5,00,000/-