Chief Minister Pu Lal Thanhawla chuan tukin khan Thenzawl Vengthar-ah SSA hnuaia hmalaknain Upper Primary School (Middle School) Rs. Nuai 28.86 senga sak a hawng.

Chief Minister chuan Primary leh Middle School naupang zirlaite hi mihring nih phung leh zirna bul an tanna hun a ni a, chuvangin zirtirtute chu kawng engkimah fimkhura zirlaite entawntlak, in cheina thlengin an awm tur a ni, a ti. Zirtirtute file hi mihring an nih avangin fimkhur taka hna an thawh a ngai a ni, a ti.

Chief Minister chuan school hawn tak hi a veng mipuite tan a ni a, uluk tak leh dimdawi taka enkawlin a vawnfai thu ah mawh an phur a ni, a ti a. Kan Pathian-in thianghlim tura min tih angin thianghlimna leh faina hi kan ngai pawimawh tur a ni a, setana hmanruaah hman kan phal tur a ni lo, a ti. Kan hriselna ti chhe theitu lakah fimkhura insum mai duh tawk mai lovin kan fihlim tur a ni, a ti.

Chief Minister chuan Thenzawl chu hmasawnnain a um a, dil nachang an hriat loh pawh thil tam tak a siam sak a, pek belhchhah zel chakawm turin awmdan an thiam a tul a ni, a ti. Chutiang zelin hmasawnna dang lokal tur tam  tak atan ram neih ang angte chu tha taka humhalh turin a chah a ni.

School hawn tak hi 4^th October  2012 ah bul tanin 15^th June, 2013 khan zawh fel a ni a, classroom 4 awmin zirlai naupang mipa leh hmeichhia ten a hranga an hman turin inthiarna siam a ni bawk a, rualbanlote tan siam sak a ni bawk. Tunah hian zirlai naupang 36 an awm mek a, zirtirtu subject thlan bik zirtir thei specific taacher 3 leh Hindi leh zirtirtu pangngai 2 an awm mek bawk.

Hawnna inkawm hi Pu Zolawma, DEO Serchhip in a kaihruai a ni. Chief Minister hi LAD Minister Pu P.C. Lalthanliana leh KVI Board Chairman Pu K. Lianzuala ten an tawiawm a ni.