L/Nk J Lalrinngeta Kum 34 S/o J Thanthuama Tuidam, Mamit District ni 24 June, 2013 (thawhtanni) a Srinagar(J.K khawpui) Bemina hmuna an duty haw lam firfiaka che ten an lo lambun na a boral ta vuina chu vawiin hian an khua Tuidamah Sipai chawimawina famkim nen vui liam a ni.
Pu Lalrinmawia Ralte, Parliamentary Secretary, Home etc te nupa, Pu V. Lalremthanga IAS District Bawrhsap Mamit leh Mamit District a Police hotute he vuina hunah hian an tel.
Pastor David Saithuama Pachuau in vuiin thlamuanna thuchah a sawi bawk a ni.
L/Nk J Lalrinngeta hi Ni 24th June 1979-ah Tuidam ah J. Lalthuama leh Lalmuanpuii te fa u ber ni turin a lo piang a, an unau hi 10(sawm) an ni kum 2000-ah Assam Regiment ah a tling a Sport lama mi tui tak a nih avangin Sipai a atan hnu pawhin Sport lamah kalin Boxing te a khel a, Medal te pawh alo dawng tawh a ni, hei bakah hian sipaia a tan chhung hian huaisen chawimawina te pawh a dawng nual bawk.
Sipai a tan hun chhung a rei tawh dawn loh avangin engemaw thiam nei lova Pension ringawt chu tiin a rawn haw leh huna a tangkai pui theih tur ni a ngaiin Driver(motor khaltu) niin a hun tawp thleng in Driver hna hi vuan ta a ni.
