3908/2022-2023

21.03.2023: New Delhi a cham mek Chief Minister Pu Zoramthanga chuan vawiin chawhma khan Union Home Minister Pu Amit Shah chu New Delhi a pisa ah hmu in an inkawm.

Union Home Minister Pu Amit Shah chuan April ni 1, 2023 ah Assam Rifles Battalion Headquarters Complex, Zokhawsang chu rawn hawn ngei a tum thu leh Laldenga Cultural Centre din tur lungphum rawn phum a tum thu Chief Minister Pu Zoramthanga chu a hrilh a. Mizo mipuite beisei leh nghahhlelh em em, sorkar hmachhawp lian tak ni bawkin a tak ram a thleng tur chu lawmawm a tih thu Chief Minister chuan sawiin, Pu Amit Shah chu Zoram mipui aiawhin lawmthu a hrilh a ni.

Chief Minister chuan nizan (20.03 2023) khan DoNER Minister leh Union Culture & Tourism Minister ni bawk Pu G. Kishan Reddy chu zanah a chenna inah hmu in an inkawm bawk a. Union Minister nen hian Mizoram tana hmachhawp hrang hrang leh hmasawnna hnathawh mek dinhmun chungchang te chipchiar takin an sawi dun a ni.