Chief Minister Pu Lal Thanhawla chuan nimin tlai khan Youth Hostel Founder’s Day tia vuah 100 Years of Youth Hostelling International and 60th Anniversary of Youth Hostel Association of India (YHAI) lawmna, YHAI hmun Luangmual-ah a hmanpui a, Richard Schirrmann Hall a hawng nghal a ni.
Chief Minister chuan YHAI hmalakna te chu ram inpumkhatna leh hnam hrang hrangte inhmelhriatna atana tangkai tak anih thu sawiin, Mizo thalaite khawhawi tizautu leh midangte nunzia zirna remchang anih bakah midangte hmaa kan inpholanna remchang tha tak a ni a ti a. India khua leh tui kan ni a, tawngahte hma kan sawn angai a, saptawng mai bakah India hmun hrang hrangah tlangnel taka kan awm theih nan Hindi pawh hi kan thiam a tul a ni a ti. Vairengte atanga inkulh kan tum tlat reng chuan kan khawhawi a zimin, kan changkang mawh hle ang tiin, kan ngaihtuahna kan tih zauva mithiam leh changkang zawkte nen kan inpawl tam a, kan inzir tawn hi a tul ani a ti.
Pu Hawla chuan kan sumpai lam thang tak tak tur chuan hmasawnna ruhrel, infrastructure te hi a tlawm zawka kan neih angai a. Chumi nei thei tur chuan a phurh man tlawm ber chi, lawng leh rel hmang te kan hman a tul dawn a ni a ti a. Kaladan Multi Modal Transport Project hnuaiah Myanmar a Sittwe Port kaltlangin Kolkata atangin bungrua Lawngtlai thleng a chawk luh theih anga, chuta tangin relin a phur chhawng leh thin dawn a ni a ti. Hei hi hmarchhak state ten kan la tangkai pui tur ani a ti.
Pu Lal Thanhawla chuan YHAI Mizoram Branch Patron ni tura an sawmna chu lawm taka a pawm thu a sawi bawk a ni.
Khualzahawm, Sports Minister Pu Zodintluanga chuan YHAI in thalaite tan national leh international levela inphochhuahna hun remchang an buatsaih thin chu lawmawm a tih thu sawiin, Mizo ten national mainstreama kan luh ve hi a hun tawh a ni tih hi uar taka auchhuahpui thin turin a chah a , experience an neihte chu thalaite nen sawsiho thin turin a chah bawk a ni.
Youth Hostel Movement hi Germany ah Richard Schirrmann an zirlai naupangye nen ramhnuai chanchin an hriat theihnan kum 1909 atang khan an ramvak thin a. Riahna tur an neih thin loh avangin ‘Altenia Castle, Germany ami chu riahbukah hmangin “Youth Hostel” tiin an phuah ta a ni. Chuta tanga darh chho zelin International Youth Hostel Federation alo piang chho ta a, tunah hian Khawvel ram 100 dawnah IYHF ah hian an inzawmkhawm tawh a ni.Youth Hostel Association of India (YHAI) pawh hi kum 1949 khan Mysore University ah din ve a ni a, 1956 khan New Delhi ah sawn a ni.Tunah hian State 23 zetah YHAI hi din a ni tawh a, kumin hi a kum 60 champha a ni. Mizoramah chuan kum 1986 khan lo ding tannin, 1988 ah full fledged branch ah pawm alo ni tawh a, YHAI Mizoram Branch tia hriat a ni.
YHAI thil tum lian bikte chu : 1. Thalai zin mite tan man tlawma thlenna tur Youth Hoster neih, 2. Tawng, vun rawng, sakhua emaw inthliarna awmlova thalaite tana thawh ho, 3. Inpumkhat nan cultural, games, adventure etc buatsaih leh 4. Ramngaw, nungcha leh pipute sulhnu humhalh te an ni a. State level programme thahnem tak zingah trekking expedition – Phawngpui,Tawi tlang leh Reiek te a tel a. Reiek phei chu National Programmeah telhin kum 3 kalta chhung khan Caving & Trekking expedition an lo hmang tawh nghe nghe a ni. Kumin November thla khian neih leh tura hmalak mek a ni bawk. Kumin August 12 khan Home Minister Pu R. Lalzirliana’n National Mountain Biking Expedition, Kullu,Himachal Pradesh atanga Khardungla Kashmir thleng, ft 18,000 zet a sang (khawvela motor kal theihna hmun sang ber ) Thirsakawra zawh turin thalai 100 chuang zingah Mizo thalai 3 tel ve turte a vailiam nghe nghe anih kha.
Inkhawm hi Pu Dominic Lalhmangaiha, President, YHAI Mizoram Branch in a kaihruai a. Pu J. Lalsangzuala, Patron, YHAI Mizoram Branch boralta sunna hun hmangin, Pu Zoliana Royte, Chairman, YHAI Mizoram Branch & Co-Ordinator, YHAI North East Region in thuhma a sawi bawk a ni.
Pu Hawla chuan kan sumpai lam thang tak tak tur chuan hmasawnna ruhrel, infrastructure te hi a tlawm zawka kan neih angai a. Chumi nei thei tur chuan a phurh man tlawm ber chi, lawng leh rel hmang te kan hman a tul dawn a ni a ti a. Kaladan Multi Modal Transport Project hnuaiah Myanmar a Sittwe Port kaltlangin Kolkata atangin bungrua Lawngtlai thleng a chawk luh theih anga, chuta tangin relin a phur chhawng leh thin dawn a ni a ti. Hei hi hmarchhak state ten kan la tangkai pui tur ani a ti.
Pu Lal Thanhawla chuan YHAI Mizoram Branch Patron ni tura an sawmna chu lawm taka a pawm thu a sawi bawk a ni.
Khualzahawm, Sports Minister Pu Zodintluanga chuan YHAI in thalaite tan national leh international levela inphochhuahna hun remchang an buatsaih thin chu lawmawm a tih thu sawiin, Mizo ten national mainstreama kan luh ve hi a hun tawh a ni tih hi uar taka auchhuahpui thin turin a chah a , experience an neihte chu thalaite nen sawsiho thin turin a chah bawk a ni.
Youth Hostel Movement hi Germany ah Richard Schirrmann an zirlai naupangye nen ramhnuai chanchin an hriat theihnan kum 1909 atang khan an ramvak thin a. Riahna tur an neih thin loh avangin ‘Altenia Castle, Germany ami chu riahbukah hmangin “Youth Hostel” tiin an phuah ta a ni. Chuta tanga darh chho zelin International Youth Hostel Federation alo piang chho ta a, tunah hian Khawvel ram 100 dawnah IYHF ah hian an inzawmkhawm tawh a ni.Youth Hostel Association of India (YHAI) pawh hi kum 1949 khan Mysore University ah din ve a ni a, 1956 khan New Delhi ah sawn a ni.Tunah hian State 23 zetah YHAI hi din a ni tawh a, kumin hi a kum 60 champha a ni. Mizoramah chuan kum 1986 khan lo ding tannin, 1988 ah full fledged branch ah pawm alo ni tawh a, YHAI Mizoram Branch tia hriat a ni.
YHAI thil tum lian bikte chu : 1. Thalai zin mite tan man tlawma thlenna tur Youth Hoster neih, 2. Tawng, vun rawng, sakhua emaw inthliarna awmlova thalaite tana thawh ho, 3. Inpumkhat nan cultural, games, adventure etc buatsaih leh 4. Ramngaw, nungcha leh pipute sulhnu humhalh te an ni a. State level programme thahnem tak zingah trekking expedition – Phawngpui,Tawi tlang leh Reiek te a tel a. Reiek phei chu National Programmeah telhin kum 3 kalta chhung khan Caving & Trekking expedition an lo hmang tawh nghe nghe a ni. Kumin November thla khian neih leh tura hmalak mek a ni bawk. Kumin August 12 khan Home Minister Pu R. Lalzirliana’n National Mountain Biking Expedition, Kullu,Himachal Pradesh atanga Khardungla Kashmir thleng, ft 18,000 zet a sang (khawvela motor kal theihna hmun sang ber ) Thirsakawra zawh turin thalai 100 chuang zingah Mizo thalai 3 tel ve turte a vailiam nghe nghe anih kha.
Inkhawm hi Pu Dominic Lalhmangaiha, President, YHAI Mizoram Branch in a kaihruai a. Pu J. Lalsangzuala, Patron, YHAI Mizoram Branch boralta sunna hun hmangin, Pu Zoliana Royte, Chairman, YHAI Mizoram Branch & Co-Ordinator, YHAI North East Region in thuhma a sawi bawk a ni.
Attachment
- Loading attachment...
