The Indian National Trust for Art & Cultural Heritage (INTACH), Mizoram Chapter chuan vawiin khan World Heritage Day leh an pawl din champha phak vawi 25-na Silver Jubilee chu I&PR Conference Hall-ah an lawm a. Art & Culture Minister Pu P.C.Zoramsangliana Khuallian a ni.
World Heritage Day leh Silver Jubilee lawmna inkhawm hi Pu P.Rohmingthanga IAS (Rtd), Co-Convener INTACH, Mizoram Chapter chuan a kaihruai a. Khuallian Pu P.C.Zoramsangliana chuan thu sawiin Mizo hnam rohlu, khawih theih leh khawih theih lohte humhalh leh vawnghim tura INTACH hmalakna chu lawmawm a tih thu a sawi a. “Ram hmasawnna a pawimawh em em rualin Mizo hnam boralna tur leh hnam rohlu riral na tur a nih chuan eng hmasawnna mah a manhla lo”, Minister chuan a ti.
Pu Zoramsangliana chuan Mizoram hmun hrang hranga building hlui pawimawh tak tak engemaw zat te chu hnam ro hlu an ni tiin heng heritage building te humhalh a tul thu a sawi a. Heng bakah hian Mizo hnam chanchina chuang hmun pawimawh tak tak te pawh chhinchhiah a vawnghim turin theihtawp chhuah a tul a ni, a ti a. Hemi kawngah hian India sorkar pawh a thil phal hle tih sawiin INTACH member te chu sorkar tawiawm a, a sul sutu a tang tur leh amah finchhuah fo turin a ngen a. Kum 2020 a India ramin khawvela ram changkang berte zinga mi ni tura tan a lakna kawngah Mizoram chu a dawnthlenga tang tura inbuatsaih a pawimawh rualin ram leh hnam himna hi Mizo te ngaihtuahna ah lian ber zel a duh thu a sawi bawk a ni.
He inkhawmah hian INTACH Secretary Pu Thanseia chuan Mizorama an pawl lo indin tan dan tlangpui leh hma an lo lak tawhte sawiin report a pe a. Pu Rin Sanga, IAS (Rtd), Chairman, Sub-Committee pawhin INTACH Silver Jubilee Year chungchang leh India ram huapa he pawl chanchin kimchang zawk tarlangin thu a sawi bawk a. Member thar 3 te hmelhriat tirna neih a ni bawk.
World Heritage Day leh Silver Jubilee lawmna inkhawmah hian Mizo hnam nun leh hmun pawimawh te tarlanga lemziak te pho chhuah a ni a. Mizo rimawi tum thiam Lawrence Lalnithanga’n Lemlawi, Tuiumdar leh Bengbung tumin kalkhawm te a awi bawk a ni.
He inkhawmah hian member ten an pawl hmalakna tura an ngaih pawimawh te sawiin rawtna an neihte ngaihthlak ho a ni a. Pu C.Chawngkunga, Co-Convener, INTACH Mizoram Chapter chuan lawmthu sawiin hun hnung a khar a ni.
INTACH Mizoram Chapter ah hian member 30 awmin an hmalakna zarah school engemaw zatah Heritage Club te din a ni tawh a. INTACH hma lakna hlawhtlinna kal zelah Mizoram sorkar chuan Mizoram Ancient Monuments and Archeological Sites and Remains (MAMASR) Act, 2001, Rules 2003 hmangin hmun pawimawh 47 te chu sorkar venhim leh enkawl lai atan a puang tawh a. An Silver Jubilee lawmna atan INTACH member te chuan heng hmun pawimawh te hi kumin chhunga tlawh chhuak vek turin ruahmanna an siam a ni.
Pu Zoramsangliana chuan Mizoram hmun hrang hranga building hlui pawimawh tak tak engemaw zat te chu hnam ro hlu an ni tiin heng heritage building te humhalh a tul thu a sawi a. Heng bakah hian Mizo hnam chanchina chuang hmun pawimawh tak tak te pawh chhinchhiah a vawnghim turin theihtawp chhuah a tul a ni, a ti a. Hemi kawngah hian India sorkar pawh a thil phal hle tih sawiin INTACH member te chu sorkar tawiawm a, a sul sutu a tang tur leh amah finchhuah fo turin a ngen a. Kum 2020 a India ramin khawvela ram changkang berte zinga mi ni tura tan a lakna kawngah Mizoram chu a dawnthlenga tang tura inbuatsaih a pawimawh rualin ram leh hnam himna hi Mizo te ngaihtuahna ah lian ber zel a duh thu a sawi bawk a ni.
He inkhawmah hian INTACH Secretary Pu Thanseia chuan Mizorama an pawl lo indin tan dan tlangpui leh hma an lo lak tawhte sawiin report a pe a. Pu Rin Sanga, IAS (Rtd), Chairman, Sub-Committee pawhin INTACH Silver Jubilee Year chungchang leh India ram huapa he pawl chanchin kimchang zawk tarlangin thu a sawi bawk a. Member thar 3 te hmelhriat tirna neih a ni bawk.
World Heritage Day leh Silver Jubilee lawmna inkhawmah hian Mizo hnam nun leh hmun pawimawh te tarlanga lemziak te pho chhuah a ni a. Mizo rimawi tum thiam Lawrence Lalnithanga’n Lemlawi, Tuiumdar leh Bengbung tumin kalkhawm te a awi bawk a ni.
He inkhawmah hian member ten an pawl hmalakna tura an ngaih pawimawh te sawiin rawtna an neihte ngaihthlak ho a ni a. Pu C.Chawngkunga, Co-Convener, INTACH Mizoram Chapter chuan lawmthu sawiin hun hnung a khar a ni.
INTACH Mizoram Chapter ah hian member 30 awmin an hmalakna zarah school engemaw zatah Heritage Club te din a ni tawh a. INTACH hma lakna hlawhtlinna kal zelah Mizoram sorkar chuan Mizoram Ancient Monuments and Archeological Sites and Remains (MAMASR) Act, 2001, Rules 2003 hmangin hmun pawimawh 47 te chu sorkar venhim leh enkawl lai atan a puang tawh a. An Silver Jubilee lawmna atan INTACH member te chuan heng hmun pawimawh te hi kumin chhunga tlawh chhuak vek turin ruahmanna an siam a ni.
Attachment
- Loading attachment...
