Zoram Research Foundation leh Mizoram State Planning Board tangkawp buatsaihin vawiin chawhnu khan I&PR Conference Hall-ah tunlai thil man chi hrang hrang to chak lutuk chungchang sawihona hun hman a ni a. He hunah hian State Planning Board lam chu Vice-Chairman Pu Lalkhama leh Member-Secretary Pu P.L.THanaga ten an hova, FCS&CA lam chu Secretary Pu K.Riachho leh Director Pu Lallungmuana ten an ho thung a. Mithiam leh pa rawn tlak engemawzat an kalkhawm a ni.
Sawihona hun hi Prof. Tlanglawma, Executive Member, ZoRF in a kaihruai a. Mizoram State Planning Board Vice-CHairman Pu Lalkhama, IAS (Rtd) chuan thuhma sawiin thil man to chak lutuk hi Mizoram bil ni lovin India rampum huapa thil thleng mek a ni, a ti a. State hmasawn zawkah te chuan hetiang thil man to chak avanga hma an lak dante zirchiana mirethei leh hnuaihnung zawk te tana hma an lak dan a awm em tih te zirchian a tul thu a sawi a. Sawihona atang hian Mizoram sorkarah rawtna tha tak chhawpchhuah theih nise, chu chu he hun buatsaih chhan bul ber hi a ni, a ti.
Mizoram bikah harsatna nasa tak tawh mek a nih laiin thil man tona (inflation) rate erawh chu 5.65% chauh a la ni a, India rampum huap ngaihtuahin a la tha zawk hle niin hriat a ni a. Amaherawhchu mirethei te tan bik ruahmanna mumal zawk siam erawh a hun tawh hle an ti a. Mirethei chhuanchham zawkte pualin Public Distribution System (PDS) kalphung ang deuhva nitin mamawh lamna dawr siam sak nise, chumi atan chuan Planning Board Vice-Chairman rawtna angin Cooperative Society chi khat din nise, he rawtna atan hian Planning Commission-ah sum dilna thehluh nise tih sawi a ni. Price Control Policy chungchangah hmanhmawh taka Dan (legislation/ordinance) siam nise tih rawt a ni bawk a. Thla tinin thil man to zel dan chungchang thlirho tura thutkhawm thin nise tih a ni bawk.
Mizoram bikah harsatna nasa tak tawh mek a nih laiin thil man tona (inflation) rate erawh chu 5.65% chauh a la ni a, India rampum huap ngaihtuahin a la tha zawk hle niin hriat a ni a. Amaherawhchu mirethei te tan bik ruahmanna mumal zawk siam erawh a hun tawh hle an ti a. Mirethei chhuanchham zawkte pualin Public Distribution System (PDS) kalphung ang deuhva nitin mamawh lamna dawr siam sak nise, chumi atan chuan Planning Board Vice-Chairman rawtna angin Cooperative Society chi khat din nise, he rawtna atan hian Planning Commission-ah sum dilna thehluh nise tih sawi a ni. Price Control Policy chungchangah hmanhmawh taka Dan (legislation/ordinance) siam nise tih rawt a ni bawk a. Thla tinin thil man to zel dan chungchang thlirho tura thutkhawm thin nise tih a ni bawk.
