1474/2023-2024

Dated Aizawl, the 12th August, 2023: Vawiin khan Zomi Council Steering Committee hruaitute chuan Chief Minister Pu Zoramthanga chu a pisaah an hmu a, tunhnai mai ni lo, hun rei tak ata tawh Manipur zofate tana a lo thawh tawh thinna zawng zawngah lawmthu an hrilh.

Pu Zoramthanga hian Zomi Council Steering Committee hruaituten an ngen angin an kal zel dan tur thurawn hrang hrang a pe a. Mizoramin inthlanpui kan hmachhawn dawn avangin engkimah lo tanpui nghal zat zat a harsa palh thei a, amaherawh chu mipuite mamawh an tihsak theih awm apiangte chu theihtawpin sawrkarin a ngaihtuah dawn tih a hrilh a, a tul anga be pawp zel thin turin a chah a ni.

Zomi Council Steering Committee-te hian, buai tirh phat atangin kan mamawh engkim Mizoram atangin kan chawlut veka, mipui mamawhte tluang taka kan lak theih nan Mizoram sawrkarin Tuivai lei min siamthat sak a, Daido lam kawng min chei sak a, Hliappui to Kawlkulh kawng siamthatna a ruahman bawk a. Mizoram mipuiten min hmangaih em em a, Media hmun tinrengah min tanpui a; Mizoram MP pahnih Pu C. Lalrosanga leh Pu K. Vanlalvena ten kan tan Parliament-ah theihtawp an chhuah reng bawk a. Kan lawmin kan thla a muang a, lawmthu kan rawn sawi a ni, tiin an hmuh chhan ber an tarlang a ni.

Zomi Council Steering Committee te hi an leader Pu T. Kaithang hovin an rawn kal a ni.