1475/2023-2024

Dated Aizawl, the 12th August, 2023: Vawiin khan Prof. Dr. Roy K. George, President leh Ms. Evelyn P. Kannan, General Secretary, Trained Nurses Association of India (TNAI) te chuan Chief Minister Pu Zoramthanga an hmu a, Mizoram sawrkarin Directorate of Nursing din phalna a pek avangin lawmthu an hrilh.

Chief Minister chuan, Nurse te hi kan chhawrin kan tangkaipui em em a. Hriselna lama hma kan sawn zel theih nana hmalakna pawimawh tak pakhat chu Directorate of Nursing neih hi a ni. Chubakah ram danga hna tha tak tak thawhtheihna remchang leh thiamna hlu tak chu Nursing hi a nih bawk avangin sawrkar chuan Nursing lam tihchangtlun deuh deuh hi a tum a ni, tih a lo hrilh a. Nurse hoten hnam dang tawng an zira, ram danga hna tha zawk an thawh theih nana hmalak pawh sawrkarin a ngaipawimawh tih a sawi bawk.

TNAI hotute hian TNAI Mizoram Branch ten Office leh hmunhma an neih ve theih nan Aizawlah ram an lei sak thu Chief Minister hi an hrilh a, an hmalak zel dan tur ruahmannate pawh an hrilh a ni.

TNAI hotute hi Mizoram Branch Trained Nurses Association of India hruaituten an tawiawm a ni.