DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/chief-minister-leh-asean-ram-ambassador-te-inkawmp

CHIEF MINISTER LEH ASEAN RAM AMBASSADOR TE INKAWM

Chapchar Kut hmang tura chhimchhak ram atanga pasarih ambassador, India rama palai te chuan nimin (5.3.2020) khan Mizoram lo thlengin Chief Minister Pu Zoramthanga chu a chenna inah an hmu.

Chief Minister chuan Zofate kut pui ber hmang tura an lo kal chu lawmawm a tih thu sawiin, India ram leh Asia hmarchhak state te inlaichinna tha tak a awm zel theih nan thawhhona tha tak neih zui zel a beisei thu a sawi a ni.

Association of Southeast Asian Nations (ASEAN) ambassador te Mizoram a lo kalte hi Laos Ambassador Bounneme Chouanghom, ASEAN Heads of Mission Chairman ni bawk chuan kaihruaiin, Myanmar ambassador Moe Kyaw Aung, Indonesia ram palai Sidharto Reza Suryodipuro, Phillipines ram palai Ramon S. Batagsing Jr., Vietnam ram palai Pham Sanh Chau bakah Brunei palai Dato Paduka Sidek Ali leh Cambodia palai Ung Sean te niin, an kawppui te nen an lo kal a. Chapchar Kut an hman hnu hian India leh Myanmar inrina tlawh turin an kal leh dawn a ni.

Attachment