3553/2022-2023

Aizawl, 11.2.2023: Chief Minister Pu Zoramthanga chu a pisa ah vawiin khan Bureau of Civil Aviation Security (BCAS) Director General Pu Zulfiqar Hasan leh amah tawiawmtute nen inkawmin, Lengpui Airport security chungchang an sawiho.

Bureau of Civil Aviation Security hi Ministry of Civil Aviation hnuaia department pakhat niin, India ram chunga domestic leh international airport a civil flight himna atan hma a la a. Vawiina Chief Minister nen an inkawmnaah BCAS Director General chuan Mizoram chu state ralmuang leh him tak a ni chu vannei a tih thu a sawi a. Chutihrual chuan venhimna pawimawhna leh BCAS in civil flight himna atana zawm tur leh ruahmanna hrang hran an duan te Chief Minister chu a sawipui a ni.

Chief Minister Pu Zoramthanga chuan BCAS hmalakna leh Lengpui Aiport atana ruahmanna an hlen thenkhat te chu tha tiin, state ralmuang taka awm ni mah ila venhimna thlahthlam a nih loh tur thu a sawi a. A tul angin thawktu training pek te, security kaihhnawh a hmalakna ngai hrang hrangte chu a kaihhnawih department te nen inrawn in hmalak zel a nih tur thu a sawi a ni.

CM leh BCAS DG inkawmaah hian BCAS atangin Regional Director Pu Gopinath Singh, Jt. Director Pu Mukund Mohan leh DDG Pi Kavaita Jalan, Mizoram Chief Secretary Dr. Renu Sharma, DGP Pu Devesh Chandra Srivasta, IGP Pu John Neihlaia, Aviation Wing Principal Consultant Wg.Cd.J. Lalhmingliana, Home Commissioner & Secretary Pu H. Lalengmawia bakah Deputy Controller, Aviation Wing Pu Lalsangpuia le OSD to CS Pu zorintluanga te an tel a ni.