Kolkataa cham mek Chief Minister Pu Lal Thanhawla, President, Cricket Association of Mizoram (CAM) ni bawk chuan nizan dar 8:00 khan Pu Jagmohan Dalmia, President, Cricket Association of Bengal (CAB) chu a office Eden Garden, Kolkata ah a hmuin inkawmna hun tha tak an hmang.

Inkawmnaah hian tur Pu Hawla chuan Board of Control for Cricket in India (BCCI) a CAM in affiliation a neih theih dan tur Pu Dalmia hi a sawipui a. Mizoram thalaite India ram tana chhuanawm tham khawp Cricket lama talent nei tha an awm thu hrilhin New Area Development Prog.(NADP) hnuaia Cricket hmasawnna turin BCCI atanga Mizoram tana sum pe chhuak turin Pu Hawla chuan a ngen nghal bawk a ni. Pu Jagmohan Dalmia chuan Mizo thalaite tana Pu Hawla hnathawh nasat zia BCCI in a hriat avangin BBCI affiliation pek an nih tur thu leh BCCI Annual General meeting neih tur kumin December ah an nemngheh nghal tur thu leh Mizoramin mamawh a neih ang zela BCCI in tanpui a tum thu Pu Hawla hi a hrilh bawk a ni.

Chief Minister hi a nupui Pi Lalriliani leh Pu Biswajit Deb, Advocate General of Mizoram ten an tawiawm a ni.

Attachment

  • Loading attachment...