385/2023-2024

Aizawl, 10.05.2023: Vawiin khan Chief Minister Pu Zoramthanga hovin CM Conference Hall-ah Civil Hospital, Aizawl chungchangah meeting neih a ni a. Health & Family Welfare Minister Dr. R. Lalthangliana pawh a tel a ni.

He meeting-ah hian Civil Hospital, Aizawl a block thenkhat, a sakna rei tawh tak tak chu PWD leh Geoglogy & Mining lam mithiamte'n an enfiah dan te ngaihthlak niin, siamthat emaw a remchan dan anga sak that a tul dan te, chumi atana ruahmanna hrang hrang siam te chu chipchiar taka ngaihthlak a sawiho a ni.

He meetingah hian Public Works Department, DM&R leh Geology & Mining Department atangin official te an tel a ni.