4348/2024-2025

Dated Aizawl, the 19th February 2025: Vawiin khan Chief Minister Pu Lalduhoma hovin Health Minister Pi Lalrinpuii, Adviser to CM Pu TBC Lalvenchhunga leh official pawimawh te leh Non-Government Hospital Association of Mizoram (NGHAM) member ten CM Office-ah Mizoram Health Care Scheme thar tur duan mek thlirhona an nei.

Dr. Lalnghinglova, MFAS, DD, IF&SL chuan Mizoram Healthcare Scheme thar tur ruahmanna report kimchang a sawi hmasa a, chumi hnuah kal khawmte hian sawihona hun an nei.

NGHAM member te hian sawrkarin an ruahmanna te chipchiar taka a sawipui avangin lawmthu an sawi a. Hun kal tawha harsatna an lo tawh dan te an tarlang bawk.

Mizoram sawrkar hian khua leh tui zawng zawng huapzo Health Care Scheme thar (Universal Health Care Scheme) tur a duang mek a. Scheme ruahman mek leh private Hospital te inkaihhnawihna lai vawiin hian an sawi a ni.