Tukin khan Chief Minister Pu Zoramthanga chu a pisa ah Railway Board Chairman Pu Vinod Kumar Yadav chuan hmu in Bairabi-Sairang New Line Project hnuaia hnathawh dinhmun a sawipui.

Bairabi leh Sairang inkar rel kawng hi 51.38 km a thui niin, lei verh (underground tunnel) 32 leh leitan (cut and cover tunnel) 16 (2.674 km) awmin, lei 184 (major bridge 55 leh minor bridg 87) a awm dawn a. Station pali - Hortoki, Kawnpui, Mualkhang leh Sairang ah te awm tur a ni a. A project hi kum 2008-09 khan Rs. 5021.45 crore (revised estimate telin) sanction a ni a, kumin January thla thleng khan Rs. 3265.03 crore hman tawh a ni. Leiverh zawng zawng hi belhkhawmin a vaiin 12.639 km a thui tur a ni a, a laih hna 88% zawh tawh niin tunnel lining hnathawh chu 75% zawh a ni bawk.

Northeast Frontier Railway hnuaia Bairabi leh Sairang rel kawng siam mek hi December 2022 a hman theih tura ruahman mek a ni.