New Delhi a cham mek Chief Minister Pu Lal Thanhawla chuan vawiin khan Sawrkar Laipuia Minister of Youth Affairs & Sports Pu Vijay Goel chu a pisa ah hmu in, Mizorama infiamna tihhmasawn chungchangte, infiamna lam a Mizoram hlawhtlinna leh sports ruhrel mamawh belh chungchangte a sawipui. 

Chief Minister Pu Lal Thanhawla chuan infiamna tihchangtlunna leh tihmasawnna tura ruahmanna Mizoram in a thehluh te chu ngaihpawimawh sak a, tihfel sak turin a ngen a. Lawngtlai a sports project (astro turf) thehluh chu tihfel ani tawh tih sawiin Sports Minister chuan hetianga Serchhip sports project pawh tih fel vat ani dawn a ti a. Saitual leh Mamit a astro turf project te chu Revised Estimates ah ngaituah a nih tur thu Sports Minister chuan a sawi a. Infiamna khawvel abik takin football a Mizoram hlawhtlinna te chu a lawmpui thu Chief Minister hi hrilhin Sports Minister chuan infiamna lamah Mizoram theihna chu pholan zel a pawimawh tih a sawi a. Sports Minister chuan infiamna lamah Mizoram hmasawnna leh mamawhte a hmun a en turin June ni 22 ah Mizoram a tlawh tur thu Chief Minister hi a hrilh bawk a ni.