Vawiin khan Chief Minister Pu Lal Thanhawla chuan Serchhip Stadium sak mek leh Serchhip Indoor Hall a infiamnna ruhrel dang sak mekte a tlawh a. Chief Minister hi Sports Minister Pu Zodintluanga'n a tawiawm a ni. 

Chief Minister leh Sports Minister te hian Serchhip Stadium sak mek chu a hmun tlawhin, hnathawh chin, hmabak leh harsatna awm te chu a hmunah hian Department aiawh leh contractor ten an hrilh a. Stadium ah hian Athletic Track 8 lane emaw, atheih loh chuan 6 lane tal dah dan pawh ngaituahin thuneitu te chu hemi chungchangah hian hma la turin an hrilh nghal a. Hemi hnu hian Serchhip a Indoor Hall-a Shooting Gallery leh Badminton Hall te pawh enin tul leh tih ngai la awm te chu a hmuna enfel bawk a ni.