Vawiin tlai dar 5:45 khan India rama Pu Chutintorn Gongsakdi, Ambassador, Royal Thai Embassy, New Delhi chuan Chief Minister Pu Lal Thanhawla chu a chenna ah a hmu.

Thailand Ambassador hian Chief Minister hi a lo kal chhan ber chu an ram lal fanu, Princess Maha Chakri Sirindhorn chuan kumin November thla hian India lo tlawh a, Mizoram pawh tlawh tel ve a tum avanga ruahmanna siam tur a lo kal hmasa a nih thu a sawi a. India leh Thailand inlaichinna te sawi dun in, ram pahnih inkalpawh tawnna tha zawk neih zel a duh thu te an sawi bawk.

Princess Maha Chakri Sirindhorn hi India ram chuan Padma Bhushan chawimawina lo hlan tawh a. India ram hi vawi 17 a lo tlawh tawh bawk.