879/2022-2023 

Aizawl, June 11th, 2022: Vawiina Mizoram lo thleng Union Cabinet Minister of Fisheries, Animal Husbandry and Dairying Pu Parshottam Khondabhai Rupala chuan Chief Minister Pu Zoramthanga chu CM bungalow ah hmu in, a Ministry chan hnuaia Mizoram kaihhnawih thu pawimawh tak tak an sawi dun.


Mobile Veterinary Unit chu ranvulhtute leh farmer te tan a tangkai em avanga tihchangtlun pawimawh an tih thu sawiin, Union Minister chuan Chief Minister hnenah hian Ministry pawhin a ngaihpawimawh pui tur thu sawiin a dang neih belhna tur ruahmanna department in siam thuai turin thurawn a pe a. Mizoram chu ramdang nen ramri intawm Ia nih avanga ran hri pawh a lo luh awlsam phah thu te sawi dun a. Union Cabinet Minister chuan ran hrileng avanga ranvulhtute harsatna sutkian a awlsam zual theih nan Insurance Policy leh Insurance Undertaking hrang hranga sawrkar laipui nena hmala tura State in proposal siam pawimawh a tih thu a sawipui.

Union Cabinet Minister hian naktukah CVSc&AH, Selesih ah hun hmangin, chumi hnu ah Mamit kal a tum bawk a ni.

Attachment

  • Loading attachment...