3632/2022-2023
Aizawl, 20.02.2023: Vawiin khan Chief Minister Pu Zoramthanga chu a chenna bungalow ah Minister of State for Communications of India Pu Devusinh Jesingbhai Chauhan chuan hmu in an inkawm.

Chief Minister leh Union Minister for Communications hian Mizorama communication dinhmun leh hmalakna chungchangte an sawiho a. Mizoram economy hmasawnna te sawi dun bawkin, economy hmasawnna leh communication hmasawnna chu kalkawp tlat leh ngaihpawimawh ngai tak a nih thu te an sawidun a ni.

Union Minister of State Pu Devusinh Jesingbhai Chauhan hi Zirtawpni ni 17 khan Aizawl lo thlengin, Serchhip district a tlawh bakah Postal leh Telecom service hotute nen inkawmin an hmalakna te a enpui a. Vawiin hian Delhi pan in Aizawl a chhuahsan a ni.