Chief Minister Pu Lal Thanhawla chuan Union Minister for Statistics & Programme Implementation Pu D.V. Sadananda Gowda, Mizorama SSS Scheme, MPLADS leh Central Sectoral Project kalpui mek chungchanga review meeting telpui tur leh rel kawng siam ngaihven tura lo zin nen chuan nizan khan CM Bungalow-ah an inkawm.

Union Minister Pu D.V. Sadananda Gowda chuan Mizoram Economics and Statistics Department chu thawk tha a tih thu Chief Minister bulah sawiin, statistics tharlam leh rintlak tak neih chu ram hmasawn zelna atan thil pawimawh a ni a ti a. Rel kawng leh Kaladan Multi Modal Project chungchang te sawi dun in, Mizoram economy hmasawnna atan heng project pahnihte hi ngaihpawimawh hmasak Union Minister chuan tul a ti a ni.

Union Minister hi Finance Minister Pu Lalsawta hovin department hotulu te nen zanriah an kilho a. Vawiin hian Mualkhang a rel kawng siam tlawhin an kal leh a ni.