2771/2022-2023
Aizawl, 23.11.2022: Vawiin chawhma khan Chief Minister Pu Zoramthanga chu a MacDonald Hill-a a chenna ah Union Minister of State for Environment, Forest and Climate Change, Consumer Affairs leh Food & Public Distribution Pu Ashwini Kumar Choubey chuan tlawhin an inkawm.

Chief Minister leh Union Minister of State chuan thing leh mau hausakna Mizoram leh India hmarchhak state ten an neih chu economy hmasawnna atana tangkaia hman a nih theih dan an sawi dun a. A bik takin mau tangkaina leh hmarchhak state-te tana mau hmanga economy nasa taka chawisan a nih theih dan te Chief Minister hian a sawipui a ni.

An inkawm zawh hian Union MoS hian chanchinthar lakhawmtute a kawm leh a ni.