2770/2022-2023
Kolasib dated 23rd November 2022: Vawiin khan DC Circuit House, Banglakawn, Kolasibah District Horticulture Office leh Kolasib District Florist Association buatsaihin ‘Flower Show 2022’ hawnna hun hman a ni a. Ni 3 awh tur ‘Flower Show 2022’ hi Pu John LT Sanga, Deputy Commissioner-in hawngin Pu C.Zosangliana, DHO in hun a kaihruai a ni.

Pu John LT Sanga, Deputy Commissioner, Kolasib chuan hmunhma tinuam leh timawi zualtute zing a pawimawh ber chu pangpar a nih thu sawiin pangpar mawi tak a khawi tur chuan dawhtheihna, taimakna leh remhriatna neih a tul thu a sawi a. Mihring ina chhungril a kan rilru put hmang tih lan nan pangpar mawi tak tak kan hmang thin hian pangpar hlutna a tichiang hle a ni, a ti. Ni thum awh ‘Flower Show 2022’ chuan Kolasib khaw chhung a pangpar khawitute ah phurna thar a thlen ngei a beisei thu Deputy Commissioner chuan sawiin Kolasib khaw chhung timawi lehzual tur a hmaraw tangkai tak ni turin duhsakna a hlan bawk a ni.

Pi Romani, Secretary, Kolasib District Florist Association tarlan danin Kolasibah hian Florist member 140 an awm mek a, khawchhung chei mawi nan Saron pangpar uar zawk a phun tur a hmalak mek a ni. Flower Show 2022 ah hian florist 18 atangin pangpar chi hrang hrang en tur leh lei theih in an chhawp chhuak a ni.

Flower Show 2022-a tel zing a pangpar khawi chhawp chhuah te endik niin lawmman siam a ni a. Potted Flowers, Potted Bugainvillea, House Plant, Flower Arrangement, Ikebana leh Artistic category ah te then niin lawmman sem nghal a ni bawk.